هاشتاق #السيستم_وقع يتثير السخرية في مصر

تويت – القاهرة

تصدّر هاشتاق “#أولى_ثانوي” قائمة الأكثر تداولاً المصرية، عقب فشل وزارة التربية والتعليم في عقد امتحانات الصف الأول الثانوي، من خلال “التابلت”، إثر تعطل السيستم الخاص بالامتحانات الإلكترونية، والرجوع إلى الامتحانات الورقية، ما تسبب في حالة فوضى واستياء كبيرين، بعد الفشل المتكرر والمتوقع للنظام الجديد.

 

ولم يكتف الناشطون بالتغريد على وسم أولى ثانوي، فدشنوا وسم #السيستم_وقع، مطالبين باستقالة وزير التعليم، طارق شوقي، وإلغاء النظام الجديد.

وسخر قاسم عادل: “‏‎#اولي_ثانوي.. أفتح يا سيستم.. افتح يا سيستم.. يا سيستم افتح.. يا منظومة الامتحانات افتحي النهارده بالله عليكي افتحي.. ده عاشر امتحان الواد كريم يروحه والسيستم مايفتحش افتح.. افتح يوم واحد.. خليه يصدق انه لسه فيه أمل في البلد دي افتح.. افتح يا سيستم”.

وبغضب قالت إيمي: “‏‎#اولي_ثانوي.. حسبي الله ونعم الوكيل فيكم من أول رئيس الجمهورية لأصغر عامل فيها.. دمرتونا ودمرتوا ولادنا… عملتوا تشتت عقلي للولاد ابني نازل الامتحان ومش عارف هايمتحن ازاي يا حكومة فاشلة.. مش أد الشيلة مكنتوش تشيلوها من الأول.. حكومة زبالة”. وغرد خالد عماد: “‏حصل اي يعني لما السيستم وقع ما دا المتوقع ايه الجديد يعني. #اولي_ثانوي”.

وأكد صاحب حساب “خبير أمني”: “‏‎#اولي_ثانوي.. موجة غضب عارمة بسبب سقوط السيستم بامتحانات الصف الاول الثانوى بالمنصورة.. في كل امتحانات يحدث سقوط السيستم.. والحل هو سقوط السيستم برضه بس بعد ترجمتها للعربية عشان تبقي: سقوط النظام”.

وكتب “إنسان مصري”: “‏دولة مش عارفة تعمل امتحان على تابلت وهاتعمل مفاعل نووي

خلينا نخلص بقى… الله كريم. #اولي_ثانوي”. ودعت غادة علي: “‏‎#اولي_ثانوي.. حسبي الله ونعم الوكيل في وزير التربية والتعليم.. السيستم وقع والأولاد متبهدلة.. اللي بيحصل دة إهانة للطلبة وأولياء الأمور واستخفاف بعقولنا”.

في حين قالت جاسمين: “‏بيقولك..سيستم امتحان أولى ثانوي النهاردة.. وقع ودخل موسوعة جينيس برضو في الصفحة المقابلة لصفحة الكوبري مباشرة. #السيستم_وقع”. ولاحظ ميدو: “‏‎#السيستم_وقع .. هو بلحة اخترع حاجة ونجح فيها.. دا فاشل”، وكتبت “ترنيمة أمل”: “‏‎#السيستم_وقع.. وايه في نظام السيسي وعصابته شغاال يعني.. ما كله فساد وسرقة ونهب”.

وخاطب سليمان الوزير: “‏‎#السيستم_وقع.. السيد الفاشل وزير التربية والتعليم كفاية تجارب في جيل هو أصلا فاقد الثقة حضرتك بتدمرها.. خد وقتك.. ضبط برنامجك.. وبعدين طبقه.. انما بعد شد الأعصاب شهر والعيال شغالة الكتروني وما بتنامش والبيوت مشدودة والمدرسين والادارات وتدريبات وسفر وفلوس وتابلت.. وبعد كل ده امتحان ورقي ليه؟”.

 

 

 

Load More Related Articles
Load More By Haneen Aziza
Load More In تويتر العرب

Leave a Reply

Check Also

هاشتاق #مرسي_شهيد_الإرادة_الشعبية يتصدر الترند المصري

بال تويت – القاهرة دشن مغردون مصريون هاشتاق #مرسي_شهيد_الإرادة_الشعبية تكريماً منهم …