Home تويتر تويتر العرب هاشتاق #الكهرباء يثير السخرية في مصر

هاشتاق #الكهرباء يثير السخرية في مصر

46 second read
0
0

بال تويت – تويتر

اجتاحت حالة من الغضب والسخط مواقع التواصل الاجتماعي فور إعلان الحكومة المصرية عن الزيادات الجديدة في أسعار استهلاك الكهرباء، فسيطر هاشتاق “#الكهرباء” على قمة قائمة الأكثر تداولاً، ووصل أيضاً مصطلح “الزيادات الجديدة” للقائمة.

ولم تفلح بعض محاولات الكتائب الإلكترونية في صد موجة الغضب والتي نالت المدافعين عن الزيادات أو المبررين لها، وحتى حسابات المواقع الإلكترونية المؤيدة للنظام، تعرضت لغضب وهجوم رواد التواصل.

 

وغرد حساب “جبرتي تويتر”: “‏‎#الكهرباء .. للمرة الـ 1002: إيه اللي يجبر أي حكومة في العالم إنها تحترم أو تعمل أي حاجة لمصلحة شعب غير قادر على محاسبتها”؟

 

ليرد عليه محمد: “‏‎التويتة دي اختصرت حالنا من 60 سنة فاتت إلى أن يقضي الله أمراً كان مفعولا”. وطالبت ميما مصطفى: “‏طب أنا الصب في مصلحتي اتملى على آخره، ينفع آخد الباقي في كيس؟ #الكهرباء”.

 

وسخرت فاطمة من شرائح الزيادات: “‏الدولة زودت ‎#الكهرباء على اللي بيستهلكوا أكتر.. أقل بكتير جدا من الزيادة على اللي بيستهلك أقل وده طبعا لتشجيع محدودي الدخل على زيادة الاستهلاك للتمتع بالخصم على الكمية”.

 

وخاطب إبراهيم الحسيني الرئيس عبد الفتاح السيسي: “‏بس انت قولت أنا مش هزود الأسعار غير لما أغني المواطن وحلفت ان الأسعار مش هتزيد! #الكهرباء”.

 

في حين رأت مروة محمد الحل كالتالي: “‏‎#الكهرباء.. بعد زيادة أسعار شرائح الكهرباء احنا المفروض منشغلش غير التليفزيون ونولع شمعة لما نروح ننتقل من غرفة للتانية ونبقى شعب منور كده بالليل ونعيش فى رومانسية ونحلم امته الزيادة الجاية في الكهرباء..  #استقبلوا_زيادة_الكهربا_برومانسية”.

 

بدوره، طالب صاحب حساب “دهاليز” النظام: “‏‎#معناش_ندفع_فواتير.. 26 وقبله 40 وقبلهم 15 ما تكهربونا وتريحونا وتريحوا نفسكم! #الكهرباء”.

 

وغرد أحمد عن الأذرع الإعلامية: “‏كل قرار للزيادة تطلع قنوات التليفزيون تحسسنا ان الدولة بتمن علينا بالدعم… وأسعار الكهربا غير العالم… وأسعار البنزين أرخص من العالم كله… مش عارف ليه زي ما بيقارنوا الأسعار مبيقارنوش دخل الفرد المصري ودخل الفرد في العالم؟؟ #تطبيل_التليفزيون_الأوفر #الكهرباء”.

 

وانتشرت “نكتة” نشرها البعض عن الزيادة الجديدة وكان منهم محمد حسنين: ” #الكهرباء.. بعد زيادة أسعار الكهرباء: بخيل كتب على باب بيته: مترنش الجرس أنا بفتح لوحدي كل 5 دقايق”.

 

 

 

 

 

Load More Related Articles
Load More In تويتر العرب

Leave a Reply